الأحد، 14 مارس 2010

هديتى


أنت هديتى


وأنت أحلى حاجه فى دنيتى


وأنت همستى


وأرق كلمه فى قصتى


فى قربك برتاح


وفى غيابك بحس بوحدتى


كلامك أشعار


وسكوتك نسمه فى جنتى


وأنا بين ايديك


بحس أنك قسمتى


وفى حضن قلبك


بحس بشوقى ولهفتى


وبين دموعى


لاقيتك أنت فرحتى


وبين همومى


حطيت الصبر فى سكتى


ده وجودك جنبى


خفف عنى كربتى


ياريتك جتنى


من زمااااااااااان فى دنيتى

الخميس، 4 مارس 2010

الناس دلوقتى


ليه الناس دلوقتى بقى شكلها مريب


كل واحد فيهم عامل زى الديب


كل واحد بينهش فى لحم اقرب قريب


كل واحد بيجرح فى قلب كل حبيب


بقى كل واحد يجرح صديقه اللى بيكون له طبيب


بقى كل واحد يهجر القلب اللى بيكون له نصيب


مين الدوا دلوقتى لكل واحد فينا


الدمعه دلوقتى مابتفارقش عنينا


الحب اتقلب لجحيم بينادينا


الصدق بقى كدب قدام عنينا


الخير اصبح شر من بين ايدينا


امتى نحب بجد ونبعد عن اللى ناسينا


امتى نصبح فرد ومانبقاش شويه زينة

السبت، 27 فبراير 2010

عيد ميلاد عذاب جديد


كل سنه وانت فى العذاب موجود

بين وجع الضمير وبين أمل مسدود

عايش بين الناس ومن حياتهم مطرود

والدمع مالى عنيك وحزنك ماله حدود





كل سنه وانت دايما متألم

شايف النور بعنيك لكن قلبك مضلم

الهم مالى حياتك وعلى جدرانها معلم

نفسك تصرخ بالآآآآآآآآآآآآه ومش قادر تتكلم





دى هديه بقدمهالك من قلبى الحزين

اللى دبحته بايدك وسيبته ينزف سنين

وعيشته فى آهات ودموعه ملت العين

وبدعيلك السنة دى تنكتب من المجروحين

وكل سنه وانت بعيد عن الطيبين

الأحد، 21 فبراير 2010

من أنت؟؟؟؟؟؟؟؟؟؟؟


من أنت؟؟؟


وكيف لعالمى أتيت؟


وداخل قلبى سكنت


وبين ضلوعى مكثت


بمجرد........


دقائق جمعتنا


وأيام ضمتنا


وثوان كانت هى لقائتنا


بين عينيك


شعاع


يسحرنى


ودقات قلبك


ألحان


تطربنى


وهمسات أنفاسك


نسمات


تداعبنى


وآآآآآآه من ضحكه


صداها


يؤسرنى


من أنت أيها القلب الرقيق؟


وكيف جعلتنى أعيش


كالطير الطليق


أصول وأجول فى كل طريق؟


كيف جعلت قلبى


لقلبك يشتاق


وفى البعد عنك


حياته لا تطاق


وأصبح يهاب


من كلمه الفراق


كيف...........


جعلتنى أذوب بين كلماتك


وأهيم لجنونك وعنادك


وأتوق للحظات لقائنا


أتعجب لحال


نفسى


معك


ويااااااااااااليتنى


أعرف ما


بداخلك

الثلاثاء، 16 فبراير 2010

عيد الحب


كل عيد حب وانت همسته


كل عيد حب وانت ضحكته


كل عيد حب وانت قمره ونجمته


فرحه وهناه


لحنه وغناه


ونسمه حلوة فى كربته


كل عيد حب وانت دايما معايا


ايدك بين ايديه وقلبك ويايا


وحضنك هوة حنانى واسمك هوة غنايا


كل عيد حب وانت شمعه فى دنيتى


بتنور حياتى بتنور سكتى


بتزيح عنى همى وبترسم ضحكتى


كل عيد حب واحنا لبعض


ومع بعض


يا غنايا وفرحتى

ليه............؟


ليه بنجرح بعض بنخون


وبنقسى على قلب حنون


دايما لقلوبنا بيصون


ليه الطيب فى زماننا غريب


مع انه لقلوبنا طبيب


هو الداوى لكل حبيب


ليه بندوس على اللى شارينا


وبنجرى ورا اللى يبيع فينا


وبيدبحنا وييجى علينا


ليه بنكبر فى اللى ظالمنا


وبنديله وهوة حارمنا


وبنحييه وهوة اللى قاتلنا


امتى نفوق امتى نعيش


امتى نقول ليه ومالييش


امتى يموت كل ظالم


والمظلوم هوة اللى يعيش

الاثنين، 15 فبراير 2010

أصعب حاجه


أصعب حاجه لما تحس انك مش عارف تعمل حاجه


وانك عايش طول حياتك ماعرفتش فيها ولا حاجه


وان الدنيا اللى انت عايشها ماتستاهلش منك حاجه


وان عذابك طول أيامك راح وكأنه ولاحاجه


وماخدتش قدامه مقابل ان شالله حتى ولو حاجه


وان كلامك وكل نصايحك تروح لناس مهماش حاجه


ياما أهانوك وياما جرحوك وموتوا فيك مليون حاجه


وان الدنيا اللى بتبنيها بتهدم فيك كل حاجه


أصعب حاجه بجد هى لما تحس انك ولا حاجه

سيب نفسك للحب


















سيب نفسك للحب وسيب روحه تدوب فيك






ورياح العشق تحركك ونار الشوق تدفيك





وابعد عن اى جفا أو تقل فى يوم يأذيك





وأوعى تخبيه فى الخفا ده حلاوته تشوفه بعنيك





خلليه يكون دايما حصنك اللى عملته عشان يحميك





واجعله جوة القلب سلاح يرفع راسك ويقويك





ودوب بين أنسام غرامه وألمسها بقلبك مش بأديك





وعيش بين لحظات أحلامه وماتسمحش لحد يصحيك





أرمى همومك بين أحضانه هتحس بحضنه بيأويك





وأى دموع جواك قدامه هيشيلها بلمسه تنسيك





سيب نفسك للحب بجد هتلاقى الحب بيحييك

الخميس، 11 فبراير 2010

تبا لحب

تبا لحب ابكانى سنين.

سرق منى الفرح...

وجعل قلبى حزين.

صدمنى.. جرحنى... قتلنى...

رمانى بين جدران عرين.

لا امان فيه....

من ليث اسنانه كالكسين.

ذبحنى وتركنى داميه.....

نزيف الدمع لا يحبس ثانيه....

الام القلب تجعلنى باكيه.

اسمع انين صرخاتى....

بالآلآلآلآلآة العاليه.

تهز اركان حياتى...

وتجعلها فانيه.

وتزلزل ايامى... وتشق ساعاتى....

وتجعلنى اموت.....

بين فوالق كل ثانيه.